Нивото на инфекција со коронавирус во Велика Британија го достигна највисокото ниво од почетокот на пандемијата, а податоците од Канцеларијата за национална статистика (ONS) покажуваат дека едно од 13 лица било заразено со коронавирус во последната недела од март.
Најновите бројки, исто така, откриваат дека бројот на луѓе заразени со коронавирус низ Британија се зголемил за околу 650.000 во споредба со претходната недела, при што се проценува дека 4.908.900 луѓе имале коронавирус во последните седум дена.
Британија: Русија ги повлекува своите сили од Грузија и ги подготвува за Украина
Според најновите информации на ONS, врз основа на брисеви собрани од случајно избрани домаќинства, се проценува дека 7,6 отсто од населението во Англија имало коронавирус, што е околу 4.122.700 луѓе.
Ова е најголем скок на инфекции со коронавирус од почетокот на следењето на ситуацијата во април 2020 година и го надминува претходниот максимум помеѓу Божиќ и Нова година минатата година, кога се проценува дека 1 од 15 луѓе во Британија биле позитивни на коронавирус.
Русите со гранатирање го уништија онколошкиот оддел на болницата во Чернихив, вели градоначалникот
Стапките на зарази остануваат високи во Шкотска, Северна Ирска и Велс, а податоците покажуваат дека приближно еден од 14 луѓе во Велс и 1 од 12 луѓе во Шкотска имале коронавирус во последната недела од март.