Путин за санкциите: Колку и да некои сакаат да ја изолираат Русија, тоа е невозможно

Сподели со своите пријатели

Рускиот претседател Владимир Путин денеска во Владивосток изјави дека е невозможно западните земји да ја изолираат Русија и покрај санкциите против Москва, кои претставуваат „закана за целиот свет“.

Loading...

„Колку и да некои би сакале да ја изолираат Русија, тоа е невозможно да се направи“, рече Путин на економскиот форум фокусиран на Азија.

Рускиот претседател додаде дека пандемијата на корона вирусот е заменета со нови глобални предизвици кои му се закануваат на целиот свет, наведувајќи дека мислел на „западната треска на воведување санкции“.

ПРОЧИТАЈТЕ И:  Зеленски остро реагираше на рускиот напад во Запорожје

Путин рече дека извозот на жито од Украина оди главно во европските земји, а не во сиромашните земји, што претставува ризик од „хуманитарна катастрофа“.

„Речиси целото жито што се извезува од Украина не се испраќа во земјите во развој и посиромашните, туку во земјите од Европската унија“, додаде Путин.

Претседателот на Русија на форумот ја поздрави „сè поголемата улога“ на азиско-пацифичкиот регион во светските работи, за разлика од Западот, чија улога е „во опаѓање“.

ПРОЧИТАЈТЕ И:  Лукашенко: Нашата унија со Русија е посилна од НАТО

„Улогата на земјите во азиско-пацифичкиот регион значително порасна“, додаде Путин.

Сите информации поврзани со најновите случувања со војната во Украина можете да ги прочитате ТУКА. 

Loading...