Рускиот претседател Владимир Путин денеска изјави дека суверенитетот е особено важен за Русија, бидејќи во случај на нејзино губење се губи и државноста, а растот на руската економија во голема мера е условен од зајакнувањето на суверенитетот.
Тој на годишната конференција рече и дека се е во економијата, пренесува Спутник.
Како што рече, руската економија е стабилна и покрај сите предизвици, вклучително и надворешните, и посочи дека за две години Русија остварила раст од осум проценти, додека во Америка тој показател е пет-шест проценти, во еврозоната – еден , а во Германија – нула.
„Кога сè е мирно, тогаш ни е досадно. Кога работите ќе стагнираат, тогаш се плашиме“, рече Путин.
Тој додаде дека меѓународните финансиски и економски институции ја ставиле Русија на прво место по економски раст меѓу европските земји, а на четврто во светот, но дека не смее да се заспие кога станува збор за овој индикатор, посочи тој.
Според него, еден од клучните економски показатели е стапката на невработеност, која во Русија е на рекордно ниско ниво – 2,3 отсто.
Индустрискиот раст во Русија е 4,4 отсто, рече тој.
Путин оцени и дека заминувањето на странски компании од Русија го поттикнало развојот на домашниот бизнис.
„Нашите претприемачи сами почнаа да ги произведуваат овие производи. Тоа создаде потреба да се спроведат дополнителни истражувања, да се вклучат институти, вклучително и развојни. Сето ова е зајакнување на технолошкиот суверенитет“, рече Путин.
Според неговите зборови, секогаш треба да се размислува за иднината, поради што руската влада размислува за иднината и формулира развојни цели.
Годишната конференција на Путин започна нешто по 12 часот по локално време или 10 часот по средноевропско време, а досега има добиено околу два милиони и 800.000 прашања.
За време на конференцијата, членовите на 155-та бригада на Пацифичката флота му подарија на Путин знаме на кое пишува „Каде сме ние, таму е победата“.
Засилени се безбедносните мерки околу Кремљ и на Црвениот плоштад.
За конференцијата има голем интерес од домашни и странски новинари, меѓу кои кинески и француски медиуми, Си-Ен-Ен, Би-Би-Си и многу други.