Рускиот претседател Владимир Путин не разговарал со украинскиот лидер Володимир Зеленски во последните неколку години, изјави портпаролот на Кремљ, Дмитриј Песков.
Запрашан дали е вистина дека Путин веќе неколку години нема ниту личен ниту телефонски контакт со Зеленски, Песков кратко одговори: „Така е“.
Путин и Зеленски последен пат се сретнаа во 2019 година на самитот „Нормандиски формат“ што се одржа во Париз.
Потоа рускиот лидер одржа билатерални средби со сите учесници на самитот: Зеленски, францускиот лидер Емануел Макрон и потоа германската канцеларка Ангела Меркел.
Според веб-страницата на Кремљ, Путин по тој состанок неколкупати телефонски разговарал со украинскиот претседател – во февруари и јули 2020 година.
После тоа немаше најава за контакти меѓу двајцата лидери.
На крајот на 2021 година, Кремљ објави дека нема посебни изгледи за средба меѓу Путин и Зеленски поради постапките на Киев и тешкотиите во комуникацијата со украинскиот претседател. Зеленски неосновано ја обвини Русија за учество во конфликтот во Донбас, а исто така одби да ги почитува договорите од Минск.
Сите информации поврзани со најновите случувања со војната во Украина можете да ги прочитате ТУКА.