Здружението на американски лекари предупреди дека консумирањето марихуана може да има лошо влијание врз нашето срце.
„Американското здружение за срце не препорачува пушење никаква супстанција, вклучително и производи од канабис, заради потенцијална штета што може да ја предизвика таквата активност на срцето, белите дробови и крвните садови“, рече д-р Рос Мари Робертсон, заменик главен научник на Американското здружение за срце.
Во носот имал марихуана цели 18 години, а се чудел зошто го боли главата
Соопштението на Здружението, објавено вчера во списанието AHA Circulation, се заснова на постојни студии кои ја анализирале поврзаноста помеѓу консумирањето канабис и срцевите проблеми, пишува Си-Ен-Ен.
Лекарите предупредуваат во изјава дека пушењето марихуана може „да ги ослабне ефектите од другите пропишани лекови“, како и „да активира некои кардиоваскуларни случувања, како што е срцев удар или мозочен удар“, при што ризикот се зголемува доколку веќе постои некоја болест на крвните садови.
„Секој што планира да консумира канабис, прво треба да разговара со здравствениот работник за можните ризици“, рече клиничкиот фармаколог Роберт Пејџ II од Фармацевтската школа во Колорадо.
Ожалостените непланирано се развеселиле: Колач со марихуана по грешка послужен на погреб
Американското медицинско здружение анализирало неколку медицински студии кои покажале дека нарушувања на срцевиот ритам може да се појават во рок од еден час од консумирање канабис што содржи THC, како што се тахикардија и атријална фибрилација.
THC или тетрахидроканабинол е главната психоактивна работа во растението канабис што влијае на расположението на корисникот.
Баба случајно изела колачи со марихуана, нејзината реакција е урнебесна (ВИДЕО)
Но, тетрахидроканабинолот исто така може да предизвика срцето да работи побрзо, да ја зголеми потребата на срцето за кислород, да ја наруши артериската функција и да го зголеми крвниот притисок.
„Чадот од канабис содржи компоненти слични на чадот од тутунот“, рече Пејџ, додавајќи дека истражувањата покажуваат дека по пушењето марихуана, забележано е зголемување на нивото на јаглерод моноксид и катран во крвта на потрошувачите.
Во соопштението понатаму се наведува дека болката во градите, срцевите напади, нарушувања на срцевиот ритам и други посериозни проблеми со срцето се поврзани со интоксикација на јаглерод моноксид од тутун или марихуана.
Му било досадно на роденденот па во тортата ставил марихуана, четири лица завршиле во болница
ЦББ (канабидиол), изолираното соединение канабиноид во марихуана, од друга страна, не изгледа дека е штетно за срцето; само тоа исто така не влијае на расположението на ниво на THC.