Ураганот Агата, првиот во сезоната, денеска се движи кон туристичките плажи и риболовните места на јужниот пацифички брег на Мексико, со предупредување на надлежните служби дека ќе донесе обилни дождови и можни поплави.
Ураганот почна брзо да се засилува вчера и се предвидува дека попладнево или вечерта ќе стигне до мексиканскиот брег како силен ураган од трета категорија, соопшти Американскиот национален центар за урагани (NHC).
Улични борби во Северодонецк: „На Русите не им е грижа колку жртви ќе имаат“
Се упатува кон областите во близина на Пуерто Ескондида и Пуерто Анџела во јужната мексиканска држава Оахака, каде што се наоѓаат познати туристички места.
Центарот за урагани предупреди дека ураганот Агата може да донесе многу опасна бура и силен ветер.
Доцна синоќа ураганот се движеше со налети на ветер кој достигна брзина од 175 километри на час, што е многу блиску до јачината за трета категорија, соопшти центарот за урагани.
Се наоѓа на околу 225 километри југозападно од Пуерто Анџела и се движи североисточно со брзина од девет километри на час.
Во сила е предупредување за ураган меѓу пристаништата Салина Круз и Лагунас де Чакау.
Американскиот центар за урагани соопшти дека невремето ќе донесе 250 до 400 милиметри дожд во делови од Оахака, а на некои места и до 500 милиметри, што претставува закана од поројни поплави и лизгање на земјиштето.