Руските напади врз Северодонецк, последното големо упориште на украинските бранители во источниот регион Луганск, станаа толку интензивни што е невозможно да се процени бројот на жртвите и причинетата штета, соопштија вчера украинските власти.
Loading...
Се верува дека уличните борби се во тек. Целата критична инфраструктура на градот е уништена, изјави синоќа украинскиот претседател Володимир Зеленски.
„Окупирањето на Северодонецк стана главна задача на окупаторите. Ним не им е грижа колку животи ќе треба да платат за обидот да го подигнат руското знаме на зградата на администрацијата во Северодонецк“, рече Зеленски во своето последно обраќање до нацијата.
„Правиме се што можеме за да ја одбиеме оваа офанзива“, додаде тој.