Здравско Савевски, член на раководството на новоформираната партија Левица изутринава бил повикан на информативен разговор во полициска станица, а потоа бил приведен и се очекува да биде изведен пред јавен обвинител и судија во предистражна постапка, а ќе следува барање за мерка притвор, соопштија денеска од партијата.
Покани за информативни разговори во полицијата биле испратени и до уште тројца членови на највисоките раководни органи на Левица, а настаните за кои се товарат се поврзани со протестите на движењето „Протестирам“.
ЦИВИЛ, заедно со Левица бараат итно ослободување на Савески, и бара да престанат притисоците и делувањето против активистите за човекови права и против граѓанското општество воопшто.