Пригожин призна мешање во изборите во САД

Сподели со своите пријатели

Рускиот бизнисмен Евгениј Пригожин во понеделникот изјави дека се мешал во изборите во Соединетите Американски Држави (САД) и дека ќе продолжи да го прави тоа и во иднина, што е прво такво признание од лице формално назначено од Вашингтон како личност која се обидело да влијае американската политика, пишува агенцијата Ројтерс.

Loading...

Во коментарите објавени од прес-службата на неговата угостителска компанија Конкорд за рускиот еквивалент на Фејсбук – ВКонтакте, Пригожин рече:

„Се мешавме (во изборите во САД), се мешаме и ќе продолжиме да се мешаме. Внимателно, прецизно, хируршки и на наш начин, како што знаеме да правиме“, пренесува Ројтерс.

ПРОЧИТАЈТЕ И:  Фон дер Лајен: Русија ќе ја плати цената за војната

Изјавата беше објавена во пресрет на изборите во САД како одговор на барањето за коментар од руски сајт за вести.

„За време на нашите прецизни операции, ќе ги отстраниме и бубрезите и црниот дроб одеднаш“, рече Пригожин, но не даде детали за тој криптичен коментар, според Ројтерс.

Пригожин, кој често се нарекува „готвач на Путин“, бидејќи неговата угостителска компанија има договори со Кремљ, официјално е обвинет дека спонзорира „трол-фарми“ со седиште во Русија, кои се обидуваат да влијаат на американската политика.

Во јули, американскиот Стејт департмент понуди награда до 10 милиони долари за информации за Пригожин поврзани со неговата „улога во мешањето во изборите“.

ПРОЧИТАЈТЕ И:  САД и Јужна Кореја спроведоа воени вежби во близина на Корејскиот полуостров

Тоа е погодено од санкциите на САД, Британија и Европската унија.

Loading...

Пригожин до неодамна се криеше од јавноста, но стана попристапен и присутен за време на војната во Украина, поради што често јавно ја критикува работата на руските генерали.

Во септември, тој призна дека ја основал групата Вагнер, платеничка група активна во Сирија, Африка и Украина.

Минатиот петок тој отвори центар за одбранбена технологија во Санкт Петербург, што е уште еден чекор на Пригожин да ги нагласи неговите воени надлежности, пренесува Ројтерс.

„Њујорк тајмс“ објави во неделата, 6 ноември, дека истражувачите идентификувале серија руски разузнавачки операции за да влијаат на изборите во САД и веројатно да ја поткопа поддршката за Украина.

ПРОЧИТАЈТЕ И:  Путин: 80 години по Втората светска војна, германските тенкови и се закануваат на Русија