19 фаслификувани ПЦР тестови открила полицијата денеска при котрнола на туристички автобус во Куманово, кој сообраќал на релација Македонија – Германија.
– Денеска (09.10.2021) од страна на полициски службеници од СВР Куманово-Одделение за криминалистичка полиција-Отсек за економски криминалитет, извршена е контрола на автобус на туристичка агенција кој патува на релација од Република Северна Македонија кон С.Р.Германија, при што од вкупно 50 патници кои се превезувале, кај 19 од нив откриени се 19 фалсификувани ПЦР тестови, информираат од Секторот за внатрешни работи Куманово.
По извршени проверки на тестовите било констатирано дека станува збор за фалсификувани тестови, кои биле набавени од едно лице од Струмица, по цена од 1.000 денари по тест.
По комплетно расчистување и документирање на случајот ќе бидат поднесени соодветни пријави.
Никола Ивановски