Етиопскиот премиер Абиј Ахмед се приклучи на фронтот во воените напори против бунтовниците, објавија во средата државните медиуми.
Вицепремиерот Демеке Меконен Хасен ги презеде рутинските државни работи во негово отсуство.
Во извештајот на државната ТВ мрежа Фана њуз се наведува дека владиниот портпарол Легесе Тулу на прес-конференција детално објаснил што значи префрлање на одговорностите за извршување на рутински должности, пренесува Танјуг, повикувајќи се на Ројтерс.
Премиерот на Етиопија во понеделникот вечерта најави дека лично ќе ја води борбата против бунтовничките сили од провинцијата Тиграј и нивните сојузници.
„Да се сретнеме на првата линија. Дојде време да ја водиме земјата посветено“, напиша Аби Ахмед.
Минатиот месец силите на Ослободителното движење Тигар и нивните сојузници се заканија дека ќе маршираат кон главниот град Адис Абеба.
Во исто време, тие се обидоа да го пресечат сообраќајниот коридор со главното регионално пристаниште Џибути, што е единствениот комерцијален излез кон морето за Етиопија.
Аби Ахмед ја доби Нобеловата награда за мир за успешно завршување на конфликтот со Еритреја.