Како и секоја година, така и оваа, познатиот ланец на британски маркети Џон Луис во пресрет на божиќните празници, излезе со реклама со која и официјално се најавува еуфоријата во купување подароци за католичкиот Божик.
Овојпат, името на рекламата носи наслов ”Човек на месечината” и започнува со приказна на малото девојчеЛили.
Гледајќи кон месечината заедно со семејството, Лили на телескоп одеднаш ќе здогледа човек на месечината.
Таа го набљудува старецот преку телескоп и сфаќа дека тој таму е осамен и доаѓа на идеја да направи нешто, односно да му испрати порака и така да му покаже дека некој долу на Земјата мисли на него.
Музиката за познатата реклама која во последните денови е прегледана на Јутјуб рекордни 6 милиони пати е во изведба на Аурора, а се работи за познатата песна‘Half the World Away’ на бендот Оазис.