Полскиот претседател Анджеј Дуда за време на посетата на Киев повика на откажување на балтичкиот гасовод Северен тек 2, кој ги поврзува Русија и Германија.
„Не може да има враќање на нормалноста во односите со Москва“, рече Дуда на самитот на Кримската платформа.
Тој изјави дека затоа е потребна нова политика која ќе го отстрани Северен тек 2, пренесува SEEbiz.
Полска и другите источни членки на ЕУ долго го критикуваа руско-германскиот проект, посочувајќи дека тој му дава дополнително влијание на Кремљ во Европа во време кога енергетската безбедност на ЕУ е доведена во прашање.
Во февруари германската влада одби да го отвори гасоводот поради руската инвазија на Украина.
Сепак, сè уште има застапници на Северен тек 2 во Берлин.
На платформата на Крим, Украина се обиде да мобилизира меѓународна поддршка за враќање на полуостровот Крим, кој беше анектиран од Русија во 2014 година.
„Крим беше и е дел од Украина, како Гдањск или Лублин се дел од Полска, како Ница е дел од Франција, Келн е дел од Германија, а Ротердам е дел од Холандија“, рече Дуда.
Турскиот претседател Реџеп Таип Ердоган, чија земја исто така има добри односи со Русија, исто така рече дека Крим очигледно и припаѓа на Украина.
Сите информации поврзани со најновите случувања со војната во Украина можете да ги прочитате ТУКА.