Русија изврши голем напад со проектили и беспилотни летала врз енергетската инфраструктура на Украина во пет региони и предизвика прекин на електричната енергија за околу 200.000 луѓе, соопштија локалните власти.
Оперативната команда на полската армија соопшти дека борбените авиони на таа земја и нејзиниот сојузник НАТО оперираат во воздушниот простор на Полска поради големиот руски ракетен напад врз Украина.
Во соопштението на украинската армија се наведува дека руските сили во нападот употребиле 82 проектили, ракети и беспилотни летала, а противвоздушната одбрана соборила 18 проектили и 39 дронови.
Трафостаниците и капацитетите за производство на електрична енергија на мрежниот оператор Укренерго претрпеа оштетувања во регионите Одеса, Харков, Запорожје, Лавов и Киев.
Министерството за внатрешни работи соопшти дека најмалку 10 ракети го погодиле градот Харков, кој е на само 30 километри од руската граница.
Во Харков, кој во минатото беше честа мета на руски напади, електричната енергија беше исклучена за 200.000 луѓе, изјави Олексиј Кулеба, помошник на претседателот.
ДТЕК, најголемата приватна приватна компанија за електрична енергија во Украина, објави дека Русија нападнала две нејзини електрани и им нанела сериозна штета.
За време на нападот се огласи и полското воено воздухопловство.
„Полските и сојузничките авиони летаат во воздушниот простор, што може да резултира со зголемени нивоа на бучава, особено во југоисточниот дел на земјата“, се вели во објавата на X Network.
„Вечерва се забележува интензивна активност на авијацијата со долг дострел на Руската Федерација на објекти лоцирани на територијата на Украина. Започнати се сите неопходни процедури со цел да се обезбеди безбедност на полскиот воздушен простор, а Оперативната команда на вооружените сили на Полска постојано ја следи ситуацијата“, се наведува во соопштението.
❗️Uwaga, w przestrzeni powietrznej operują polskie i sojusznicze statki powietrzne, co może wiązać się z występowaniem podwyższonego poziomu hałasu, zwłaszcza w południowo-wschodnim obszarze kraju.
Dzisiejszej nocy obserwowana jest intensywna aktywność lotnictwa dalekiego… pic.twitter.com/5cPKhrVbXN
— Dowództwo Operacyjne (@DowOperSZ) April 11, 2024
Сите информации поврзани со најновите случувања со војната во Украина можете да ги прочитате ТУКА.