Полицијата во Шенжен затвори еден од двата хотели со сексуални кукли, каде мажите плаќаат 28 долари за да поминат еден час во друштво на кукла, пренесува Sixth Tone.
– Не добивме никаква документација или објаснување зошто е сторено тоа – вели сопственикот Ли Бо.
Првиот хотел од ваков вид беше отворен во 2018 година, а Бо отвори уште еден на другиот крај од градот кон крајот на минатата година. Според локалните медиуми, Ли сметал дека тоа е одличен деловен потфат, затоа што го отворил објектот во населбата каде што работат околу 120 000 самохрани луѓе во фабрики.
Неговите клиенти во хотелот можат да изберат како сакаат да изгледа нивната соба. Дали сакаат обична соба со бања или просторија што е претворена во училница или болничка соба. Исто така, тие можат да го „изнајмат“ само долниот дел од куклата.
На овој начин, Бо работи нешто легално, иако спротивно на законот, имајќи предвид дека проституцијата е забранета во Кина. Прашината дополнително се кренала кога се дознало дека се повеќе малолетници доаѓаат во овие хотели, а наводно ниту санитарните услови не ги исполнуваат стандардите.
Бо, од друга страна, тврди дека неговите хотели се беспрекорно чисти.