08.09.2019 15:43

Показна вежба во Куманово во рамки на проектот „Заедно за граѓаните” (ФОТО)


Показна вежба за пружање помош на повредени лица во сообраќајна несреќа организираа денеска на градскиот плоштад во Куманово, СВР Куманово, Територијалната противпожарна единица, Итната медицинска помош, Црвениот крст и ученици од повеќе основни училишта.

loading...

Вежбата се организираше под покровителство на Советот на општина Куманово и е дел од проектот „Заедно за граѓаните”, а традиционално се одржува четврти пат по повод Денот на независноста. Целта беше да покаже отвореност и достапност на државните институции во рамки на градот, нивна меѓусебна координација, да ја зајакне свеста кај граѓаните за соработка со институциите кои први пружаат заштита и безбедност за кумановци.

Манифестацијата годинава е посветена на јакнење на граѓанска совесност за поголема безбедност во сообраќајот што е битно за сите граѓани, бидејќи сме учесици во сообраќајот, порачаа учениците од основните училишта од мешаните училишни сообраќајни единици кои денеска заедно со сообраќајната полиција го регулираа сообраќајот и делеа флаери за безбедно учество во сообраќајот и почитување на правила и прописи. Присутните се запознаа со дел од опремата и материјално-технички средства со кои располагаат институциите.


© Со преземање на содржината ги прифаќате Условите за преземање содржини
Loading...

Последни наслови

Facebook Comments