14.07.2019 15:40

Почувствувани два земјотреси во Македонија

Facebook Twitter Google+

Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, денес 14.7.2019 година регистрира два земјотреса чии епицентри се наоѓаат на 220 km јужно од Скопје во соседна Грција и потекнуваат од епицентралното подрачје Козани.

– Првиот земјотрес беше во 12 часот и 50 минути со Рихтерова магнитуда 5.0 а вториот  во 12 часот и 59 минути со Рихтерова магнитуда 4.0. Првиот беше почувствуван и од населението на нашата Република, особено во југозападниот дел и тоа во Охрид, Струга, Битола и Ресен со интензитет IV степени според Европската макросеизмичка скала. Во Кичево и околината со интензитет од III-IV степени а во Скопје и дел од источниот дел од Републиката со интензитет од III степени, информираат од Сеизмолошка опсерваторија при Природно-математичкиот факултет во Скопје.

loading...

Вториот земјотрес, како што додаваат од опсерваторијата, бил почуствуван во Битола и околината со интензитет од III степени според истата скала.


© Со преземање на содржината ги прифаќате Условите за преземање содржини
Loading...

Последни наслови

Facebook Comments