По повод 8 Септември – СДСМ организира прослава во месноста Три Круши

Сподели со своите пријатели

Претседателот на СДСМ, Зоран Заев  по повод 8-ми септември, Денот на независноста на Република Македонија, ќе положи цвеќе на гробот на првиот претседател на независна Република Македонија, Киро Глигоров. Во делегацијата што ќе ја предводи претседателот Заев ќе бидат и заменик претседателката Радмила Шекеринска и генералниот секретар Оливер Спасовски, информираат од Центарот за комуникации на СДСМ.

Loading...

 По повод Денот на независноста, СДСМ организира и прослава во месноста “Три Круши” во с.Драчево со почеток во 10.00 часот, со обраќање на Заев до граѓаните во 11.00 часот.

На празничниот пикник, каде што ќе биде организиран и ручек за присутните, се поканети сите граѓани.

Социјадемократскиот сојуз ќе се вклучи и во државното одбележување на празникот.

Делегација на СДСМ, предводена од потпретседателот на СДСМ, Александар Кирацовски заедно со Благој Бочварски, член на И.О на СДСМ и Софија Куновска, пратеничка и претседателка на Градската организација на СДСМ Скопје, утре ќе положи цвеќе на Споменикот на паднатите херои за Македонија, во паркот Жена борец.


Comments are closed, but trackbacks and pingbacks are open.