Односите меѓу Русија и САД се на историски ниска точка и нема надеж за нивно подобрување, изјави портпаролот на Кремљ, Дмитриј Песков.
„Билатералните односи сега се, за жал, веројатно на историски ниска точка. Нема надеж за подобрување во догледна иднина“, рече Песков, пренесува РИА Новости.
Според Песков, конфликтот во Украина е во пораст, а Западот е посветен на заблудата дека Киев може да постигне успех на бојното поле.
„Тој (конфликтот) навистина се развива во нагорна насока. Гледаме зголемено индиректно, а понекогаш и директно вклучување на земјите од НАТО во овој конфликт“, рече Песков.
Тој додаде дека Западот ќе зажали за оваа драматична грешка.
Според Песков, Кремљ смета дека не треба да се преувеличува важноста од можната испорака на тенкови на НАТО во Киев.
Сите информации поврзани со најновите случувања со војната во Украина можете да ги прочитате ТУКА.