Кремљ во понеделникот соопшти дека украинската контраофанзива „не функционира како што е планирано“ и дека ресурсите на НАТО доставени до Киев биле „залудно потрошени“ за време на двомесечната операција која донесе ограничени придобивки за Украина, пишува Гардијан.
Говорејќи со новинарите, портпаролот на Кремљ, Дмитриј Песков, рече дека Русија ќе преземе дополнителни мерки за одбрана од напади со украински дронови откако беспилотните летала го погодија финансискиот кварт на Москва во неделата.
Песков го опиша неодамнешниот напад со беспилотно летало врз Москва како „чин на очај“ од Украина по неуспесите на бојното поле.
АФП пренесува дека портпаролот на Кремљ, Дмитриј Песков, изјавил дека на украинските сили им било „многу тешко“ на линијата на фронтот, бидејќи тие започнале контраофанзива во јуни.
„Очигледно е дека контраофанзивата не успеа. Во чин на очај, режимот во Киев се свртува кон вакви терористички напади. Преземени се сите можни мерки за заштита на цивилната инфраструктура“, рече тој.
Сите информации поврзани со најновите случувања со војната во Украина можете да ги прочитате ТУКА.