Рјукан е град во округот Телемарк на југот на Норвешка и го нарекуваат едно од најтемните места во светот. Поради високите планини кои го опкружуваат градот нешто повеќе од неговите 3.300 жители не се изложени на директна сончева светлина дури шест месеци во годината.
Овој град ќе ви плати 9.000 евра за да се доселите, но има два услови
До септември до март, секоја година тие живеат во сенка. Иако на работвите на планините кои ги опкружуваат се гледа сонцето, тие не го чуствуваат на лицето. Во темница појадуваат, ручаат и вечераат.
Под велот на темницата одат на училиште, работа, шопинг и се занимаваат со спорт.
Токму затоа локалните власти во 2013 година вложиле половина милион евра во поставување соларни огледала на планините, кои рефлектираат сончева светлина на главниот градски плоштад и во тие најтемни месеци во годината.
И додека едни приговараат дека премногу пари се потрошиле на малку светлина во темниот град, други заклучуваат дека огледалата дополнително го популаризирале Рјукан меѓу туристите.
Овој град долги години е интересна локација за посета поради 104 метри високиот водопад Рјукан кој се наоѓа во негова близина. Сега имаат дополнителна причина за посета.
Фото: Wikimedia/Bengt-Inge Larsson