На аеродромот во Хелиснки кој е оценет како најдобар во светот, кинескиот актер Рајан Џу ќе живее во кабина 30 дена за да провери дали тоа е вистина, а целиот проект многу потсетува на филмот „Терминал“, соопштува денеска финската авиокомпанија „Финавија“, која е организатор на своевидниот тест.
За време на проектот, без преседан, под името #LIFEINHEL, популарниот 33-годишен кинески актер и мултиталентирана ТВ ѕвезда ќе има можност да искуси, тестира и процени каков е квалитетот на аеродромските услуги, се наведува во соопштението.
Аеродромот во Хелиснки сака да докаже дека е најдобриот во светот и најбрзата врска измеѓу Азија и Европа.
– Хелисншкиот аеродром е водечки и најдобро поврзан аеродром во цела Северна Европ.а Ние сме лидери во пружањето услуги на кинеските патници, вели Катја Сиберг, потпретседател за маркетинг и комуникации на компанијата „Финавија“.
Loading...
Се работи за маркетинг кампања заснована на мешавина од ријалити програм, игра и социјални мрежи, односно некој вид мешавина од познатите филмови „Терминал“ и „Труманов шоу“, а повратните информации кои ќе ги пружи кампањата ќе помогнат евентуално да се подобрат аеродромските услуги.
Главниот актер ќе биде соочен со секојдневните предизвици, со предвидени награди за адекватни одговори на нив, но ќе биде прикажан и во интимното светло.
Секој ден од неговиот престој на аеродромот е испланиран, но содржината е прилагодена на настаните во реално време.
Џу ќе има на располагање карта за враќање дома со отворен датум и ќе може да го напушти овој проект кога ќе посака, но ако издржи цел месец на аеродромот во Хелиснки и победи, ќе освои награда – патување во магичната Лапонија.
Кинескиот актер, кој исто така е манекен за здрав живот и вежбање, љубител на боречки вештини и поранешен учесник на кинеското танцово шоу, ќе живее на аеродромот од 10 октомври до 12 ноември, се наведува во соопштението.