Лабараторијата за млазен погон на американската вселенска агенција НАСА објави нова слика на хеликоптерот „Ingenuity“, кој вчера го имаше првиот контролиран лет на друга планета во историјата на човештвото.
Хеликоптерот се искачи три метри над површината на Марс за 39 секунди.
На видеото се гледа како авионот се крева и лебди во место, по што полека се враќа на површината.
Истражувач на проектот „Perseverans“ (роверот на Марс), Џастин Меки, рече дека видеото е снимено со 34 милиметри фокусна должина со 6,7 слики (фрејмови) во секунда, а низата е околу 1.400 слики, објави Theverge.com.
Witness the historic moment in full. The Mastcam-Z cameras on @NASAPersevere show us the takeoff, hovering and landing of the #MarsHelicopter. pic.twitter.com/ypdIWmC4D1
— NASA JPL (@NASAJPL) April 19, 2021
Целосната верзија на зумирање од 110 мм ќе биде достапна за неколку дена, заедно со фотографии од камерата од 13 мегапиксели од Ingenuity.
Веќе е испратена црно-бела фотографија од неговата сенка.
Летот досега се одложуваше неколку пати поради технички проблеми. Инженерите на НАСА се воодушевени од успешниот прв лет во вонземски свет.
За разлика од роверот „Perseverans“, „Ingenuity“ нема да биде вклучено во специфични експерименти или истражувања на црвената планета, но се планираат уште неколку тест летови во наредните недели.
A red-letter day on the Red Planet! #MarsHelicopter pic.twitter.com/Qow8JwhYEo
— NASA JPL (@NASAJPL) April 19, 2021