Лидерот на Северна Кореја чекори на улиците во Сеул, престолнината на Јужна Кореја. Луѓето застануваат и гледаат повторно во човекот кој личи на оној кој апсолутно не би требало да биде во овој град. Но, секако, тоа не е лидерот на Северна Кореја Ким Џонг Ун кој живее во Пјонгјанг. Тоа е неговиот имитатот, Драгон Ким.
Неговото вистинско име е Минјонг Ким и го ископирал изгледот на врховниот лидер на Северна Кореја. Се облекува во сино одело кое личи на унивормата од Работничката партија на Кореја, има фризура како севернокорејскиот лидер и се труди да ги имитира неговите изрази на лицето.
Драгон Ким е роден и израснат во Јужна Кореја. Дипломирал бизнис на Универзитетот во Илионис и зборува повеќе јазици: англиски, корејски, јапонски и кинески. Моментално води агенција која помага на ученици во Јужна Кореја во училиштата во странство.
Loading...
Loading...