Колку сме поблиску до премиерата на новите телефони Самсунг, толку повеќе информации се објавуваат не само за нивните спецификации, туку и за цената.
Ако треба да им веруваме на инсајдерските информации на ИТ блогерите кои досега се покажаа како точни, најевтиниот модел Galaxy S23 со 8GB + 128GB би требало да чини 959 евра, додека опцијата 8GB + 256GB ќе чини 1.019 евра.
Galaxy S23 Plus започнува од 1.219 евра за конфигурација од 8 GB + 256 GB или 1.339 евра за верзијата со 512 GB внатрешна меморија.
Најскапиот модел е Galaxy S23 Ultra.
Според досегашните информации неговата почетна цена е 1.419 евра, а за варијанти со 512GB и 1TB меморија потребно е да се издвојат 1.599 односно 1.839 евра.
Ова се цените кои наводно важат за Франција, но се претпоставува дека новите телефони би можеле да чинат исто толку и во остатокот од Европа.
Инаку, речиси во исто време, во продавница во Нигерија веќе се појавија нови телефони на Samsung кои се достапни во претпродажба. Тие објавија објава на својот Фејсбук профил во која го покажаа S23 Ultra.
Она што засега се знае за S23 Ultra е дека ќе биде доста сличен на неговиот претходник S22 Ultra од кој ќе ги „позајми“ ултра широкоаголните 3x и 10x телефото леќи, но со нова главна камера од 200 MP.
Екранот е 6,8″ 2X Dynamic AMOLED со резолуција од 1440p и Gorilla Glass Victus 2 како заштита.
Внатре е батерија од 5.000 mAh со полнач од 45 W.
Ќе работи на Android 13 со One UI 5.1.