Времето денеска ќе биде сончево и топло со мала до умерена локална облачност. Попладне во планинските подрачја ќе има услови за краткотраен пороен дожд и ретки грмежи. Ќе дува слаб, а вдолж Повардарието и во источните делови умерен северозападен ветер.
Максималната температура ќе биде во интервал од 26 до 35 степени. Индексот на УВ зрачење ќе биде висок и ќе има коефициент 9.
Во Куманово и околината денеска ќе имаме сончево и топло време. Максималната дневна температура ќе достигне 31 степен.
Утре ќе дува умерен до засилен ветер од северен правец.
Под влијание на топла воздушна маса од југ и натаму продолжува периодот на топло време, а особено топло се очекува од средината на наредната седмица.
Локално во попладневните часови ќе има краткотраен пороен дожд со грмежи и услови за изолирана појава на град, додаваат од УХМР.
Image by Gerd Altmann from Pixabay