ЕУ е на работ на колапс поради неможноста за промени, како Римското Царство, изјави унгарскиот премиер Виктор Орбан.
Во своето обраќање пред Парламентот на Унгарија, тој рече дека Будимпешта, од друга страна, чувствува дека има сила да се развива побрзо.
„Морам да кажам дека не гледам во ЕУ капацитет за реконструкција што ни е потребен. Ако Унијата итно не направи остар пресврт, нејзината историја ќе заврши“, рече Орбан.
Унгарскиот премиер појасни дека веројатно нема да има ненадеен, драматичен колапс, туку дека тоа ќе се случи постепено, бидејќи сè повеќе земји-членки престануваат да ги следат упатствата на Брисел, слично на тоа како Римското Царство долго време веруваше дека продолжува да постои на своите поранешни територии, иако, всушност, одамна престана да постои.
„Гледам дека САД и Азија се движат заедно со нас и ја гледам можноста и силата на Унгарија да се развива побрзо. Брзината на нејзиниот развој е рамноправна со онаа на САД и Азија, а не на ЕУ“, истакна Орбан.
Според него, ЕУ, како „лоша GPS навигација“, постојано ги менува своите планови и никогаш не ги постигнува своите цели, што може да се види преку воведувањето санкции, политиката за мигранти и еколошката транзиција.