Руското Министерство за одбрана објави дека нивните системи за противвоздушна одбрана собориле вкупно 121 украински дрон во текот на ноќта, односно 89 дронови биле соборени над Крим, додека 23 биле уништени над Црното Море.
Според тврдењата на руското Министерство за одбрана, дополнително се соборени четири дронови над Краснодарската област, два над Орјолската област, по еден над Брјанската и Белгородската област и уште еден над Азовското Море.
❗️There was a massive UAV attack on occupied Crimea at night. Local residents report that drones attacked the Novofedorivka, Belbek, Kacha, and Gvardiyske airfields. pic.twitter.com/mGj3gEPcX0
— 🪖MilitaryNewsUA🇺🇦 (@front_ukrainian) May 2, 2025
Каналот „Кримски ветер Телеграм“ објави експлозии во Севастопол, Џанској, Саким, Новофедоровка и Кача – места каде што се наоѓаат воени воздухопловни бази.
Објавени се и видеа од детонациите и фотографии од пожарот во селото Ухлове, во близина на воената база во Кача.
Според каналот, пожарот се случил по дејството на руската противвоздушна одбрана.
В окупованому Криму вночі лунали вибухи. Російське Міноборони і місцева влада повідомили про масовану атаку дронів. Зокрема, вибухи чули біля військових аеродромів. Відео з Telegram-каналу “Кримський вітер” pic.twitter.com/LT8JllYCYN
— Українська правда ✌️ (@ukrpravda_news) May 2, 2025
Гувернерот на Севастопол назначен од Москва, Михаил Развожаев, ги потврди експлозиите и објасни дека „гласните звуци се резултат на одбивањето на нападот со беспилотни летала“.
Во првата објава околу 2 часот наутро, тој тврдеше дека седум дронови биле соборени над морето, далеку од брегот.
Еден час подоцна, во 3 часот наутро, тој извести за „голема комбинирана офанзива врз Севастопол“ што доаѓа од неколку правци – од морето кај ’ртот Херсонес, Севастополскиот Залив, Каја и Балаклава.
Тој нагласи дека „досега ниту еден објект во градот или во водите на Севастопол не е оштетен“.
Major explosions reported this morning near Russian-occupied Saki Airbase in Crimea, as Ukrainian attack drones swarm the peninsula. pic.twitter.com/Sn3x6I4eOK
— OSINTtechnical (@Osinttechnical) May 2, 2025
Како безбедносна мерка, околу 4 часот наутро, Рускиот центар за сообраќајни операции го прекина сообраќајот преку Кримскиот мост, клучна сообраќајна врска меѓу Крим и Русија.
Сообраќајот беше нормализиран по околу два и пол часа.
Украинските власти сè уште не дадоа официјално соопштение за овој настан.