Мобилниот телефон на специјалната јавна обвинителка Катица Јанева е одземен за да се види дали комуницирала со Боки 13, рече околу полноќ шефицата на Обвинителството за организиран криминал Вилма Рускоска, по распитот на Бојан Јовановски кој заврши во 30-дневен притвор во Шутка.
Како што посочи таа не е направен претрес, туку само е одземен мобилниот телефон. По пишувањата дека претреси имало и кај други специјални обвинители, таа негираше.
Во однос на приведувањето на Јовановски рече дека имаат обезбедено разговори и видео снимки како докази.
За потсетување, Бојан Јовановски, попознат како Боки 13, е приведен и заврши во притвор заедно со Зоран Милевски Кичеец, поради сомневање за примње поткуп и перење пари.
По распитот двајцата со полициска придружба беа спроведени во затворот во Шутка.
фото: јутуб принтскрин