Овој облакодер наскоро ќе стане највисоката зграда во американската држава Флорида.
Имено, станува збор за нов облакодер на хотелот „Валдорф Асторија“ кој ќе биде изграден во центарот на Мајами, а кој ќе се издига дури 320 метри во висина.
Облакодерот ќе изгледа како куп од девет наредени стаклени кутии дизајнирани од славниот уругвајски архитект Карлос От и ќе се гради во соработка со PMG.
View this post on Instagram
Зградата ќе опфати околу 100 спрата и ќе се наоѓа на многу бараната локација – 300 Бискејн, што е оддалечена само 10 минути од познатите градски плажи.
Во долните коцки од оваа модерна архитектура, ќе има хотел со пет sвездички со околу 200 соби и апартмани, врвен ресторан, спа центар и фитнес центар, базени, простор за собирање на отворено и други слични објекти.
View this post on Instagram
Горниот дел од зградата е резервиран за луксузни апартмани за кои веќе се прифаќаат резервации, иако облакодерот сè уште не е изграден.
Најевтиниот стан во облакодерот ќе чини еден милион долари, а целата понуда на овој облакодер во центарот на Мајами може да ја погледнете на Јутуб во видеото на Miami Residental Group.