Домот за стари лица „Зафир Сајто“ Куманово пренамени и опреми просторија за физиотерапија, соопштија денеска надлежните од установата.
Корисниците на услугите веќе ја користат опремата под надзор на физиотерапевт и здравствен персонал.
– За оваа просторија и опремата обезбедивме 1, 1 милион денари. Наскоро планираме да распишеме тендер за амбулантата во установата, изјави директорот Дејан Стојановски.
За оваа реконструкција, предвидени се 557.000 денари. Надлежните соопштија дека е набавена комплетна опрема за физиотерапија (масажери, душеци, лента за трчање, степер, медицински кревети медицинска), за што се обезбедени 575.000 денари.
-Имплементацијата на проектите значително ќе ги подобри условите за престој во домот, смета Стојановски, особено новата физиотерапија и новата амбуланта која ќе биде комплетно опремена. Со нив, ќе се обезбеди зголемена ефикасност и ефективност во извршувањето на услугите за корисниците во Домот, вели тој.
Установата согласно протоколите врши прием на нови корисници согласно добиените Covid 19 протоколи од јуни 2020 година редовно функционира и врши прием на нови корисници. Месечниот износ за престој е 11.800,00 денари.