Жителите на рускиот град Санкт Петербург имале можност да уживаат во неверојатно светлосно шоу кое им го приредила природата. Имено небото било прекриено со столбови од светло поради што градот наликувал на зимско чудо.
Ширум градот по небото имало жолти, црвени, сини и зелени бои поради што жителите помислиле дека се работи за поларна светлина. Меѓутоа, се сипоставило дека се работи за сосема поинаков феномен познат како светлосни столбови.
Loading...
Овој редок визуелен природен феномен се создава така што светлото се рефлектира од ледените кристали во воздухот. Светлото може да доаѓа од Сонцето, во кој случај појавата се нарекува сончев столб или соларен столб. Некогаш изворот на светлината може да е и Месечина, како и вештачки светла, како уличното осветлување.
Оптичката илузија од одредени агли столбовите ги прикажува како цврсти предмети.
