Астрономите за прв пат открија вода во атмосфера на планета која орбитира во внатрешноста на населива зона на одалечена ѕвезда.
Ова откритие ја прави планетата, која ја нарекуваат К2-18б, потенцијален кандидат за откривање на животот надвор од Земјата, јавува Би-Би-Си.
Во трудот објавен во списанието „Nature Astornomy“ пишува дека за 10 години, новите вселенски телескопи би можеле да утврдат дали гасови создадени од живи организми постојат во атмосферата на К2-18б.
Водечкиот научник, професорот Џовани Тинети од Универзитетскиот колеџ во Лондон (UCL), го опиша наодот како „воодушевувачки“.
„Ова е прв пат да откриеме вода на планетата во зона во која може да се живее околу ѕвездата на која температурата е потенцијално компатибилна со присуството на живот“, рекла таа.
Населеното подрачје околу една ѕвезда опфаќа планети на кои температурите се доволно ниски што на површината има вода во течна форма.