На активисти кои спасувале мигранти во Грција им се суди за криумчарење луѓе

Сподели со своите пријатели

Четири години по учеството во операцијата за пребарување и спасување на мигранти, денеска во Грција почна судењето на 24 активисти и соработници на Меѓународниот центар за итни случаи (ЕРЦИ) за повеќе обвиненија, од шверц на луѓе до перење пари.

Loading...

Европскиот парламент го нарече најголемиот случај на криминализација на солидарноста, а меѓу обвинетите е и пливачката Сара Мардини, која со својата сестра Јусра побегна од Сирија.

Судењето започна во Митилена на Лезбос, а беше одложено за петок.

Проширено обвинение

Како член на бегалскиот тим, Јусра учествуваше на Олимписките игри во Бразил, а нивната приказна беше преточена во филмот „Пливачите“.

ПРОЧИТАЈТЕ И:  Нова трагедија кај Лезбос: Четворица мигранти ги загубија животите, а се трага по уште 20

Во 2018 година, активистите беа притворени неколку месеци поради нивната наводна вмешаност во шверц на луѓе, но обвинението сега е проширено за да вклучи шпионажа, нелегален пристап до државните комуникации, перење пари и помагање и поттикнување криминал.

Во 2018 година, полицијата изјави дека активистите собирале информации за приливот на бегалци од турскиот брег кон грчките острови Лезбос и Самос и директно им помагале на организираните шверцерски групи.

Мардини беше протерана од Грција и не се појави на суд

Мардини денеска не се појави во судница бидејќи е избркана и и е забрането да се врати во Грција.

Нејзиниот колега Шон Бајндер рече дека треба да се бориме за да се дозволи потрагата и спасувањето на мигрантите и луѓето да имаат право на азил.

Loading...
ПРОЧИТАЈТЕ И:  Нова трагедија кај Лезбос: Четворица мигранти ги загубија животите, а се трага по уште 20

Двајцата се приклучија на ERCI, здружение кое оттогаш е распуштено. Меѓу другите членови на здружението се и поморскиот спасител Насос Каракитсос и пензионираниот Холанѓанец Питер Витенберг.

Човек осуден на 142 години за шверц на луѓе откако спасил повеќе од 30 луѓе

Сомалискиот мигрант Мохамед Абди еднаш беше осуден на 142 години за шверц на луѓе, откако спасил повеќе од 30 животи.

Тој потврди дека чамецот со мигрантите го водел кон брегот откако турскиот трговец со луѓе ги напуштил.

Но, судот во Митилена во понеделникот му ја намали казната на времето поминато во затвор и го ослободи.