06.06.2018 13:27

Мотивациско предавање и промоција на мотивациска книга „Што си ти“ во Куманово


Мотивациско предавање во Центарот за култура „Трајко Прокопиев“ Куманово во сабота ќе одржи предавачот Снежана Билко, која воедно ќе ја промовира и својата книга „Што си ти“.

Ние сме дојдени на овој свет да бидеме креатори. Ние сме креатори, само што некој е свесен, а некој е несвесен креатор. На ова мотивациско предавање ќе имате можност да научите како да го креирате сопствениот живот, како да разберете и сфатите дека вие сте креатори, а не набљудувачи во нашите животи, вели Билко.

На самото предавање сите  заинтересирани ќе имаат можност да ја купат првата и најнова, мотивациско-инспиративна книга под наслов ,,Што си ти,, со посвета од самата авторка.

Вашето учество потребно е да го пријавите најдоцна до: 25.06.2018. Пријавувањето е задолжително, бидејќи местата за учество се ограничени.

За пријава и учество потребно е да ги испратите вашите податоци, име, презиме,тел.број за контакт на следниот email: bilkovortex@gmail.com или да се пријавите на: 077/866-922.

Како што додава Билко, на предавање ќе имате можност да разберете зошто е потребно да ги следите сопствените чувства на радост, среќа и љубов. Живеејќи во ова тешко и демотивирачко време, многу луѓе дозволуваат да паднат духовно и да доживеат падови во нивните животи кои оставаат длабоки траги и им претставуваат една огромна препрека за понатамошно секојдневно животно функционирање. Луѓето се препуштаат и при тоа го забораваат она најважното, а тоа е дека сами можат да ја искреираат онаа реалност која сакаат да ја живеат.

Многу луѓе во последно време се будат и осознаваат дека се е до нив самите и дека е потребно да работат на самите себе за понатаму да доживеат манифестации во нивните животи со кои ќе им се подобри нивниот живот.

Потребно е да станете свесни дека во вас е алатката за креирање на вашиот живот онаков каков што сакате да биде, а тоа е во вашиот ум и во вашите мисли.

Имате една незаборавна можност за двочасовно позитивно и пријатно дружење, дружење со многу позитивна енергија, вели мотивацискиот говорник.

Настанот ќе започне во 19 часот на 30 јуни (сабота).


© Крадењето авторски содржини е забрането со закон. Преземањето на текстови и изјави во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со Кумановски Муабети, е строго забрането!

Последни наслови

Facebook Comments