Грчкиот премиер Киријакос Мицотакис побара од Европската унија (ЕУ) да ја зголеми финансиската помош за Турција за да и помогне да се справи со приливот на мигранти.
Турскиот претседател Реџеп Таип Ердоган се закани дека ќе ги протера бегалците доколку меѓународната заедница не ја зголеми финансиската помош. Повеќе од 3,6 милиони Сиријци се во Турција.
„За мене е многу јасно дека ни треба нов договор“, рече Мицотакис во Њујорк, обраќајќи се пред Центарот за истражување на надворешните односи на Советот.
Во 2016 година, ЕУ вети дека ќе ѝ даде на Турција околу шест милијарди евра за подобро да се справи со приливот на мигранти што ја минуваат нејзината територија на патот кон Западна или Северна Европа.
Договорот е подложен на „силен притисок“, рече Микотакис, кој разговараше со Ердоган во средата на маргините на годишната седница на Генералното собрание на ООН.
„Турција треба да се посвети на почитување на договорот и ЕУ треба да признае дека Турција прими неколку милиони бегалци и затоа треба да добие дополнителна финансиска помош за следните години“, рече грчкиот премиер.