Мексико ги протерало мигрантите од границата пред пристигнувањето на Бајден

Сподели со своите пријатели

Околу 200 мигранти беа протерани во неделата кон мексиканскиот град Сиудад Хуарез пред пристигнувањето на американскиот претседател во Мексико во официјална посета каде важна тема ќе биде мигрантската криза меѓу двете земји.

Loading...

„Нека Бајден покаже дека има срце“, се изјасни Венецуелецот Хозе Дејвид Мелендез откако беше депортиран од американските имиграциски власти.

„Има многу деца кои се одвоени од семејствата“, вели 25-годишниот маж.

Ова е секојдневната ситуација во Сиудад Хуарез и другите делови на мексиканско-американската граница, кои претседателот Бајден ги посети за првпат по две години од неговиот мандат.

Голем број Венецуелци, Кубанци, Никарагваци и Хаиќани, некои од нив со деца во рацете, влегле на мексиканска територија откако го преминале мостот меѓу двете земји, јавува новинар на АФП од реката Рио Браво (која во САД се нарекува Рио Гранде).

ПРОЧИТАЈТЕ И:  Скандалозна изјава на Бајден: Да ја заштитиме Украина од касапот Путин

Мелендез рече дека бил фатен од членовите на граничната патрола во црквата каде што се засолнил со други мигранти.

Агентите на граничната патрола не тепаа, не тераа да бегаме, ни го вперуваа пиштолот, ни го вперуваа пиштолот кон децата, па каде се човековите права?“, праша млад човек облечен само во џемпер и покрај студот.

„Луѓето имаат право на слобода, на подобар живот, невозможно е да се живее во нашата земја“, вели Кубанецот Лоренцо Ескобар (36), кој по протерувањето доби 60 дена престој во Мексико.

Loading...

Ерик Родригез, вториот Венецуелец кој беше протеран, го молеше Бајден „да ги прифати во САД за да можеме да најдеме работа, да им помогнеме на нашите семејства“.

ПРОЧИТАЈТЕ И:  Среќник на американската лотарија освои вртоглави 1,13 милијарди долари

Тој зборуваше и за можноста САД да им дозволат да влезат за да можат потоа да аплицираат за азил во Канада.

Пред да пристигне на северноамериканскиот состанок во главниот град на Мексико, Бајден во неделата застана во пограничниот тексашки град Ел Пасо, кој е главна порта за мигрантите кои се обидуваат да ја преминат заедничката граница во САД долга 3.100 километри.

Во Мексико, американскиот претседател во понеделник ќе разговара за мигрантската криза меѓу двете земји со неговиот мексикански колега Андрес Мануел Лопез Обрадор.

Бајден, кого републиканската опозиција во САД го обвинува дека замижува пред кризата, се сретна со граничната полиција во Ел Пасо, каде што го пречека конзервативниот гувернер на Тексас, Грег Абот, кој го обвинува демократскиот претседател за пропустливост на границите.

ПРОЧИТАЈТЕ И:  Бајден: Федералната влада ќе го обнови мостот во Балтимор

Посетата на Бајден на јужната граница на САД е првиот дел од тридневното патување во Мексико посветено на миграциската политика и борбата против трговијата со дрога.

Во четвртокот, Белата куќа објави мерки за да се обиде да ја ослободи границата, каде во ноември беа уапсени повеќе од 230.000 луѓе.

Во 2021 година, САД и Мексико објавија дека го менуваат својот пристап кон политиката за злоупотреба на дрога и ќе се фокусираат на причините за трговијата со луѓе, по 15 години исклучиво воена стратегија.

Loading...