Вашингтон треба да ја одржува комуникацијата со Москва бидејќи Русија се уште е глобална држава, изјави американскиот државен секретар Марко Рубио.
„Без разлика дали тоа ни се допаѓа или не, Русија е глобална држава. Има свое влијание во Сирија, е вклучена во настани на Блискиот Исток, дури и во западниот дел на планетата, се разбира, во Европа. Мораме да имаме некаква комуникација со нив“, рече Рубио на новинарката Кетрин Хериџ во интервјуто емитувано на мрежата X.
Тој исто така рече дека Америка мора да одржи дијалог со Русија и покрај несогласувањата, а првиот чекор треба да биде враќање на нормалното функционирање на американската амбасада во Москва, која моментално едвај функционира.
Како што рече, дипломатските канали се важни не само за да се разговара за глобалните прашања, туку и за решавање на конкретни безбедносни ситуации.