Меѓународната агенција за атомска енергија (МААЕ) ќе го зголеми бројот на своите инспектори во нуклеарната централа Запорожје, по експлозијата во хидроцентралата Каховка, изјави генералниот директор на агенцијата Рафаел Гроси во интервју за РИА Новости.
Тој објасни дека по пробивот на станицата, која се наоѓа на Днепар, МААЕ го следи намалувањето на нивото на водата што се користи за ладење на реакторите на нуклеарната централа Запорожје со цел да се избегнат „радиолошки последици“.
– Тоа што го зголемуваме бројот на експерти е од две причини. Прво, ова е вонредна ситуација која настана по уривањето на браната – рече Гроси.
Како друга причина, Гроси ја наведе потребата од спроведување на безбедносниот план на НЕ Запорожје.
– А втората причина е што, можеби се сеќавате, минатата недела бев во Њујорк на состанокот на Советот за безбедност на ОН, каде што дефинирав некои основни принципи за спречување нуклеарна несреќа во електраната Запорожје. Нашата мисија ќе следи одредени аспекти поврзани со физичкиот интегритет на нуклеарната централа за да спречи распоредување на тешко оружје или напади на тој објект – рече тој и додаде дека задачите на мисијата ќе се намножат. Гроси не го прецизираше точниот број на инспектори што МААЕ ќе ги испрати во Запорожје.
„Ќе го засилиме тимот, тоа е сигурно“
– Можеби четири, пет, шест, во зависност од проценката колку луѓе се потребни за извршување на конкретни функции, но ќе го засилиме тимот, тоа е сигурно – рече тој.
Хидроцентралата Каховка е шестата (долна и последна) етапа од каскадата на хидроцентралите Днепар, која се наоѓа на пет километри од градот Новаја Каховка во регионот Херсон.
По референдумот, таа област стана дел од Русија на 30 септември 2022 година, потсетува руската агенција.
Сите информации поврзани со најновите случувања со војната во Украина можете да ги прочитате ТУКА.