Рускиот министер за надворешни работи за време на своето обраќање во Индија утринава рече дека „секоја земја што се почитува“ ќе се воздржи од разговор со украинскиот претседател Володимир Зеленски по „очигледниот напад со дрон врз Кремљ“, пренесува Гардијан.
„Во врска со терористичкиот напад врз Кремљ и резиденцијата на државниот лидер, ние јасно го кажавме нашиот став. Мислам дека не треба да чекаме нови инциденти и провокации“, изјави Сергеј Лавров.
Тој тврди дека „Зеленски и неговиот тим прават сè во медиумскиот простор и нивните практични чекори за да се осигураат дека секоја земја што се почитува себе си се воздржува од разговор со нив или комуникација со нив“.
„Отсекогаш сме биле подготвени да се справиме со последиците од обидите на САД да ја испумпуваат Украина со оружје. Гледаме се поголемо разбирање дека таквите проблеми не можат да се решат на линијата за контакт во Донбас. Мислам дека сите разбираат дека ова што се случува е геополитичко. Без решавање на клучниот геополитички проблем, а тоа е желбата на Западот да ја задржи својата хегемонија и да ја диктира својата волја на сите, без тоа да се реши, кризата никаде нема да се реши“, рече тој.
Да потсетиме, Владата во Киев ги демантираше обвинувањата на Кремљ дека со беспилотни летала се обидела да изврши атентат врз резиденцијата на Владимир Путин, пишува n1info.
Во меѓувреме, портпаролот на Кремљ, Дмитриј Песков, тврди дека САД стојат зад инцидентот, што Белата куќа исто така го негираше.
Сите информации поврзани со најновите случувања со војната во Украина можете да ги прочитате ТУКА.