Куманово, Прилеп и Битола ги зафати невреме со град и поројни дождови

Сподели со своите пријатели

Според добиените податоци од метеоролошките станици и радарските центри, во пладневните и раните попладневни часови имаше појава на нестабилност со дожд и грмежи во западниот планински дел (Кичево, Македонски Брод и Прилеп), како и на подрачјето на градот Скопје.

Loading...

Нестабилната воздушна маса од Скопје, во јужно струење продолжи кон Куманово, каде се интензивираше и даде поинтензивен пороен дожд, грмежи, засилен ветер, а можна е и појава на ситен град.

Во попладневните часови од позначителна нестабилна облачна маса беше зафатено подрачјето на Пелагонија, како и градот Прилеп. Тука има подолготрајна појава на интензивен пороен дожд, силни електрични празнења, засилен ветер и можна појава на град. Од нестабилноста пократкотрајно беше зафатена и Битола.

 Во моментов има три активни центри на нестабилност: меѓу Прилеп и Битола, околу М. Брод и источно од Куманово. Сите овие центри во јужно воздушно струење ќе се поместуваат кон север.

Во вечерните часови ќе има престанок на процесите во атмосферата.

 


Leave a Reply

Your email address will not be published. Required fields are marked *