Кумановец со иницијали Д.П. роден 1977 година вчера загинал откако со своето патничко возило марка „Голф 2“ излетал од патот од селото Арбанашко кон селото Кокино некаде помеѓу 11:00 и 11:30 часот.
– Лицето со патничкото моторно возило било забележано во провалијата во утринските часови од случајни минувачи и веднаш пријавено во 08,00ч. во СВР Куманово и Противпожарна единица во Старо Нагоричане, информираат од Регионалниот центар за управување со кризи.
Со едно противпожарно возило тамошните пожарникари излегле на терен, но помош побарале и од колеги од Куманово кои го сечеле автомобилот за да го извадат возачот.
Лицето, велат од РЦУК, било пренесено во Општата болница – Здравен дом Куманово со брза помош на понатамошна постапка и увид на починатото лице.
Никола Ивановски