Од Кремљ пристигна одговор на коментарите на американските претставници, во кои Русија тврди дека е потребен фер и долгорочен мир, но дека во моментов „нема шанси“ за разговори.
Американскиот државен секретар Ентони Блинкен вчера предупреди дека постои можност Русија да бара начин да се повлече од Украина без да преговара за траен мировен договор.
Блинкен верува дека Москва може да бара краткотраен прекин за да може да се одмори, да се опорави, да се прегрупира и да ја нападне Украина уште еднаш.
„Една од работите што можете да ја замислите е дека Русите се обидуваат да најдат излез. Се додека Русија не покаже дека е заинтересирана за значајна дипломатија, нема да има напредок“, рече Блинкен, според Скај њуз.
„Она што мораме да го видиме е праведен и траен мир, а не лажен мир“, заклучи Блинкен.
Да потсетиме дека американскиот претседател Џо Бајден минатата недела изјави дека ќе биде отворен за разговори со Владимир Путин доколку рускиот лидер е заинтересиран да стави крај на војната.
Сепак, се чини дека веројатноста за разговори меѓу САД и Русија во блиска иднина е исклучително мала.
Сите информации поврзани со најновите случувања со војната во Украина можете да ги прочитате ТУКА.