Портпаролот на Кремљ Дмитриј Песков ги отфрли претпоставките дека руските власти сакаат да го убијат украинскиот претседател Володимир Зеленски.
Loading...
„Не, тоа не е точно“, рече Песков во интервју за францускиот канал LCI, одговарајќи на прашањето дали руската страна има планови да го убие Зеленски, пренесува Комерсант.
„Тој е претседател на Украина. Ние сме заинтересирани тој да се согласи со условите на Русија, за што руската делегација детално го информираше“, рече Песков.
Според него, Русија е заинтересирана преку преговори „да стави крај на воената операција“.
Советникот на претседателот на Украина Михаил Подољак изјави дека тие се обиделе да го убијат Зеленски повеќе од десет пати.
Loading...