Ковачевски-Рама: Донесовме конкретни решенија за граѓаните и заедничката европска иднина на Северна Македонија и Албанија

Сподели со своите пријатели

На заедничка прес-конференција премиерите на Република Северна Македонија и на Република Албанија, Димитар Ковачевски и Еди Рама, денеска уште еднаш ги повторија ставовите на владите на двете земји за проевропските политики, добрососедство и соработка која ќе придонесе за развој на целиот регион.

Loading...

Премиерот Ковачевски истакна дека втората меѓувладина седница денеска беше посветена на конкретни решенија за актуелни прашања за граѓаните и за државите Република Северна Македонија и Република Албанија.

ПРОЧИТАЈТЕ И:  Спасовски: Постигнати се добри резултати во санкционирање на насилството врз жени, но имаме уште многу работа

„Потпишавме повеќе меморандуми за унапредување на соработката речиси во сите области, секако, со посебен фокус кон енергетиката кон којашто е свртено и вниманието на целиот свет“, рече премиерот Ковачевски.

Премиерот истакна дека членството во Европската Унија е стратешка цел на Република Северна Македонија, исто како што е стратешка цел и на Република Албанија.

„Заедно го почнавме и скрининг процесот и заедно ја имаме можноста да ги завршиме преговорите и да станеме полноправни членки на ЕУ“, рече премиерот Ковачевски и се заблагодари на премиерот Еди Рама за безрезервната поддршка што Република Северна Македонија ја доби од Албанија во процесот за НАТО интеграциите.

ПРОЧИТАЈТЕ И:  Факти за топ 10 тендери: Заедно тежат околу 172 милиони евра

Премиерот на Албанија Еди Рама рече дека освен финализирањето на 21 акт кои се договорени низ интензивна соработка помеѓу двете влади се договорени предложени инцијативи од првиот заменик претседател на Владата Артан Груби и кои се однесуваат на изградба на патна инфраструктура односно Коридорот 8, изградба на едно суво пристаниште во Струга и отворање на еден нов граничен премин Поградец-Струга, посочувајќи дека станува збор за стратешки проекти за двете земји.

ПРОЧИТАЈТЕ И:  Факти за топ 10 тендери: Заедно тежат околу 172 милиони евра

„Мене ми е многу мило што со Северна Македонија поставивме добри и силни основи за да изградиме заедничка иднина која што треба да биде иднина во взаемно почитување на човековите права и слободи, но и една здрава иднина за другите генерации“, рече Рама.