Пред неколку месеци, загриженоста за преживувањето на вирусот на тврди површини беше актуелна тема и бидејќи ситуацијата не стана побезбедна, советите за заштита се уште се на сила.
Знаеме дека вирусот се шири најчесто со капки, и дали тоа значи дека може да се заразите со допирање кутија житарици што сте ја купиле или пакување што штотуку дошло по пошта?
Теоретски е можно, но не е веројатно, според др. Дин Блумберг, педијатар.
„Има малку шанси да се исполнат сите услови за една ваква површина да биде опасна. Потребно е големо количество вирус на таа површина за да се зарази едно лице, а вирусот треба да преживее на него долго време. На крајот, нечистите раце треба да ги допираат очите, устата и носот “, рече тој.
Коронавирусот на површини
Науката тврди дека коронавирусот може да остане на тврди површини до 3 дена и на картон 24 часа. Една студија спроведена во Кина покажа како вирусот може да патува на чевли.
Проф. Емануел Голдман пред неколку месеци за списанието „The Lancet Infectious Diseases“ напиша дека студиите користат многу поголема количина на вирус отколку што може да се најде во реалниот свет.
„Според мое мислење, шансите лицето да се зарази преку тврда подлога, на која кивало заразеното лице, се многу мали и е можно само ако лицето веднаш ја допре површината“, додава тој.
Се чини дека би требало да станува збор за совршено време за тоа да се случи. Сепак, студиите покажале само дека вирусот може да заврши на површината, но не и дека може да се пренесе на луѓето.
Центарот за превенција и контрола на болести (ЦДЦ) на својата веб-страница пред 4 месеци објави дека тоа е сè уште можно, бидејќи се чинеше дека две лица се заразиле на овој начин.
Неодамнешна студија во Кина покажа како може да се пренесе вирусот ако допреме копче во лифт, а анализата спроведена во Африка покажа како контаминираните медицински помагала можат да влијаат на ширењето на вирусот.
Како да се заштитите?
Специјалистката за инфективни болести, Алисија Крај, проучува колку е потребно за миење и дезинфекција на предметите за да се намали можноста за инфекција.
Таа верува дека тврдите површини можат да имаат влијание врз ширењето на вирусот, особено во заеднички домаќинства и простори. Советува дека треба редовно да се чистат.
„Ако сте од оние кои ќе направат се што е потребно за да постигнат заштита и постојано да ги мијат сите површини, мора да имате предвид дека ова не е единствениот начин на заштита“, изјави таа.
Ќе ви помогне ако правите и други работи, како што се редовно миење на рацете. Оваа акција секако ја подобрува безбедноста.
Блумберг тврди дека премногу фокус на една мерка за заштита во никој случај не е доволен и верува дека постојаното чистење ги спречува луѓето да размислуваат за други стапици, како што се дистанцирање или носење маска.
Не треба да се заборави дека средства за чистење не се безопасни и можат да предизвикаат сериозни иритации на кожата, но и да ги влошат симптомите кај астматичарите. Ако користите силни средства, не заборавајте да носите ракавици и да ги покриете носот и устата со маска.
Носењето маска исто така го намалува ризикот од инфекција за 65 проценти, а дистанцирањето е исто така многу добра мерка за заштита.
Миењето на рацете со вода и сапун е нешто што мора да го правите често, особено ако сте биле во продавница или јавен превоз, но и пред секој оброк.
Иако не можете да се заразите преку храна, има мали шанси тоа да се случи затоа што некој пред вас ја допрел со валкани раце.