Тактиката што ја користеа Украинците при ослободувањето на населбите во Донбас се нарекува „kettling“, термин познат на американската (и друга) полиција како тактика за опкружување и ставање под контрола поголема група луѓе.
Успехот на Украина во малиот град Лиман почива токму на оваа тактика, напиша минатата недела Вашингтон пост, а пренесува Јутарњи.
Војниците го опколија градот, а непријателските сили немаа друг избор освен да се предадат.
Тактиката е овозможена поради фактот што само ретките патишта водат до украинските градови и села во Донбас, а окупаторските сили, кои не се премногу запознаени со теренот, се во крајно ранлива позиција бидејќи не знаат за алтернативни излези, пишува американскиот дневен весник.
Портпаролот на украинската војска Серхиј Черевати изјави за Вашингтон пост дека „речиси сите логистички правци до областа Лиман се под украинска контрола“.
Терминот „кајлинг“ во полициската терминологија значи начин на ставање под контрола на немирите, а тоа се случува кога полицијата ги блокира улиците и ги принудува демонстрантите на ограничен простор, на пример на мост или на затворена улица.
Тоа е тактика која е спротивна на класичните методи на сузбивање на протестите, а тоа е масовно растурање.
„Во овој случај, масата се компресира на помала површина. Насобраните немаат пристап до санитарни јазли, се наоѓаат на мала површина и немаат излез. Можат да заминат само кога ќе одлучи полицијата. Тоа е како лонец под притисок“, вели Џавад Казаели, адвокат специјализиран за човекови права.
Полицијата најчесто дејствува така што дозволува помали групи луѓе да го напуштат местото каде што се опколени и на тој начин полека ја смирува тензијата.
Меѓутоа, во случај на граѓански протести, овој метод често всушност ги зголемува тензиите бидејќи создава паника или агресија кај луѓето, поради што многумина го критикуваат.
Прашањето за кое се расправаше и во судот е дали таа тактика е легална бидејќи де факто им ја одзема слободата на граѓаните.
Сепак, досега судовите застанаа на страната на полицијата.
Сите информации поврзани со најновите случувања со војната во Украина можете да ги прочитате ТУКА.