По смртта на британската кралица Елизабета Втора, која ќе биде погребана на 19 септември, многумина се прашуваат кој ќе ги наследи нејзините кучиња.
Кралицата ја обожавала расата пемброк велшки корги и имала повеќе од 30 такви за време на нејзиното владеење!
Кучињата на кралицата, се разбира, живееле високо во палатата. Тие имале свои соби со посебни подигнати кревети, како и личен готвач кој внимателно го подготвувал секој оброк за нив.
Кучињата се хранеле со говедско, пилешко и црн дроб, а од зеленчук јаделе зелка и ориз.
Понекогаш, кога имала време, кралицата лично им подготвувала храна!
Нејзиниот сопруг принцот Филип наводно ги „трпел“ кучињата заради неа, но не можел да го поднесе нивното постојано лаење.
А имале и проблеми со однесувањето, пишуваат британските медиуми, а не се согласувале секогаш добро ниту меѓу себе ниту со членовите на кралското семејство.
Кон крајот на осумдесеттите бил повикан експерт за однесување на кучиња за да ги едуцира малку, бидејќи имале навика да трчаат и да гризат некој од членовите на кралското семејство, или слугите.
Се чини дека тоа не вродило со плод, бидејќи во 1992 година кралицата завршила во болница откако се обидела да ги раздвои скараните миленици.
Ја гризнале за левата рака и морале да ѝ стават три конци.
Првиот корги што го добила кралицата била женка по име Сузан, а таа била подарок за 18-ти роденден од нејзиниот татко, кралот Чарлс.
Сузан започна „династија“ на корги во палатата и роди десет генерации на овие преслатки кучиња.
Кралицата цел живот сакала и чувала кучиња, но во последните години одбивала да додаде нови кученца во својата колекција.
Рекла дека не сака по нејзината смрт тие да станат товар за луѓето околу неа.
Сепак, таа направила исклучок и во 2021 година доби уште две кучиња од нејзиниот син, проблематичниот принц Ендру.
Првиот беше Мик, корги именуван по Мик Лејк на имотот Балморал, каде што кралицата почина минатата недела.
Вториот, Фергус, беше мешавина од корги-дакел, но тој почина по само пет месеци и кралицата, наводно, тешко го прифатила.
Таа потоа ги доби коргиите на Сенди за нејзиниот 95-ти роденден, исто така од принцот Ендру, а беше потврдено дека тој ќе се грижи за Сенди и Мик по смртта на кралицата.
Останатите кучиња, наводно, ќе бидат поделени на членовите на персоналот или семејството, доколку некој одлучи да има доволно време да се грижи за нив.
Сите информации поврзани со најновите случувања во Велика Британија можете да ги прочитате ТУКА.