Кога имаме пари немаме време, и обратно: Но, што не прави посреќни?

Сподели со своите пријатели

Кога имаме пари, немаме време. Кога имаме време немаме пари. Сè се врти во круг, и се прашуваме – каде е среќата?

Loading...

Како што пишува авторката на веб-страницата Бизнис инсајдер, нејзината колешка одлучила да користи сервис за перење алишта, иако сметала дека се работи за губење пари.

Во еден момент, таа сфатила дека износот на слободно време пропорционално вреди за потрошените пари. Нејзиното искуство е најдобар пример за секојдневна средба со дилемата пари или време.

 

 

Прашањето е: што нè прави посреќни на долг рок – пари или време?

Некои истражувања обезбедуваат прелиминарни докази во корист на оние кои повеќе го ценат времето.

Loading...

Во студијата, објавена во списанието Social Science and Personalities Science, истражувачите проучувале повеќе од 4.600 луѓе – од студенти на колеџ во Канада, преку посетители на Канадскиот музеј, до возрасната популација во Америка, сите во желба да видат што е повредно – пари или време.

Во серија експерименти, учесниците требало да изберат помеѓу две опции.

На пример: Дали би одбрале поевтин лет со преседнувања, или поскап лет што води директно до дестинацијата?

Дали би избрале образовна програма што ќе обезбеди работа со повисоки плати со повеќе часови или онаа што би довела до работа со помала плата со помалку часови?

 

 

Истражувачите исто така побарале од учесниците да одговорат на неколку прашања што ќе откријат колку се среќни.

Loading...

Резултатите покажале дека учесниците биле прилично подеднакво поделени околу тоа дали се повеќе склони да го ценат времето или парите, но луѓето кои дале поголем приоритет на времето изгледале посреќни.

Среќата не се купува

Од оваа гледна точка, не е јасно дали повисокото вреднување на времето од парите директно предизвикува луѓето да бидат посреќни – може да биде дека посреќните луѓе имаат тенденција да му даваат предност на времето.

Исто така е нејасно зошто поголемата проценка на времето во однос на парите е поврзана со поголема среќа, иако научниците имаат некои идеи.

 

 

На пример, оние кои повеќе го ценат времето, велат дека имаат помалку работни часови на работа. Значи, можно е да поминат повеќе време на активности во кои уживаат, како што се дружење и вежбање.

Loading...

На крајот на краиштата, овие резултати ја поддржуваат теоријата дека парите се важни, но дека веројатно не можат да купат среќа.


Leave a Reply

Your email address will not be published. Required fields are marked *