Израел изврши напад во Иран, изјави американски претставник за Си-Ен-Ен, во акција што се заканува да го турне регионот подлабоко во конфликт.
Израелската војска соопшти дека „засега нема коментар“ на прашањето на Си-Ен-Ен за извештаите за експлозии во Иран.
Ирански официјален претставник изјави дека противвоздушната одбрана пресретнала три беспилотни летала и дека нема извештаи за ракетен напад.
Повеќе државни новински агенции објавија дека локациите поврзани со иранската нуклеарна програма се „целосно безбедни“.
Иранската новинска агенција Фарс објави дека во градот Исфахан бил активиран систем за противвоздушна одбрана, а причината за нападот не е веднаш позната.
CNN објави дека неколку летови во иранскиот воздушен простор биле пренасочени.
Во текот на викендот, Иран лансираше стотици беспилотни летала и проектили како одговор на наводниот израелски напад врз неговата амбасада во Сирија. Повеќето од беспилотните летала и ракетите беа соборени пред да стигнат до израелска територија.
Во четвртокот Иран во Советот за безбедност на ОН изјави дека Израел мора да биде принуден да ги запре сите воени напади врз неговите интереси, додека генералниот секретар на ОН предупреди дека Блискиот Исток е во моментот на „најголема опасност“.